ИРГЭДИЙН АНХААРАЛД

“Нийтээр тэмдэглэх баярын болон тэмдэглэлт өдрүүдийн тухай” хуулийн 4.1.1-д заасны дагуу Үндэсний их баяр наадмын өдрүүдийг тохиолдуулан 2022 оны 7 дугаар сарын 11-15-ны өдрүүдэд Монгол Улсаас Япон Улсад суугаа ЭСЯ ажиллахгүй тул яаралтай асуудлаар доорх хариуцлагатай жижүүрийн утсаар холбогдоно уу. 7 дугаар сарын 11-ны өдөр 03-3469-2183 7 дугаар сарын 12-ны өдөр 03-3469-2088 7 дугаар сарын 13-ны өдөр 03-3469-2178 7 дугаар сарын 14-ны өдөр 03-3469-2342 7 дугаар сарын 15-ны өдөр 03-3469-2088 Тус ЭСЯ нь Япон Улсын бүх нийтийн амралтын өдрүүдэд ажилладаг бөгөөд зөвхөн Монгол Улсын бүх нийтийн амралтын өдрүүдэд амардаг болно.

ЭЛЧИН САЙД Д.БАТЖАРГАЛ ЯПОН УЛСЫН ПАРЛАМЕНТЫН ЗӨВЛӨХҮҮДИЙН ТАНХИМЫН ДАРГА А.САНТОД БАРААЛХАВ

Монгол Улсаас Япон Улсад суугаа Онц бөгөөд Бүрэн эрхт Элчин сайд Д.Батжаргал энэ сарын 28-ны өдөр Япон Улсын Парламентын Зөвлөхүүдийн танхимын дарга А.Сантод бараалхаж, хоёр улсын Стратегийн түншлэлийн харилцаа тэр дундаа парламент хоорондын харилцаа, хамтын ажиллагааг өргөжүүлэн хөгжүүлэхэд үнэтэй хувь нэмэр оруулж буйд талархал илэрхийлэв. Элчин сайдын зүгээс Монгол Улсын “гуравдагч хөрш”, нийтлэг үнэт зүйлс бүхий стратегийн дотно түнш Япон Улстай найрсаг харилцаа, хамтын ажиллагааг гүнзгийрүүлэн хөгжүүлэх нь манай гадаад бодлогын тэргүүлэх чиглэлийн нэг гэдгийг нотлов. Түүнчлэн Монгол Улсад ардчиллыг бэхжүүлэх, зах зээлийн эдийн засгийн тогтолцоог бүрдүүлэхэд Япон Улсын Засгийн газар, ард түмэн сэтгэл харамгүй дэмжлэг, туслалцаа үзүүлж ирсэнд гүнээ талархаж байдгаа илэрхийлэв. А.Санто даргын зүгээс энэ оны 7 дугаар сард Япон Улсын Парламентын Зөвлөхүүдийн танхимын сонгууль болж байгааг дурдаад хоёр улсын харилцааг өргөжүүлэн хөгжүүлэхэд цаашид ч хамтран ажиллах болно гэдгээ илэрхийлэв.