“Торгоны зам” олон улсын хөрөнгө оруулалтын арга хэмжээний урьдчилсан танилцуулга уулзалт болов

Элчин сайд Б.Баярсайхан энэ оны 8 дугаар сард Улаанбаатар хотноо зохион байгуулагдах “Торгоны зам” олон улсын хөрөнгө оруулалтын арга хэмжээний урьдчилсан танилцуулга уулзалтыг 5 дугаар сарын 22-ны өдөр нээж, зохион байгуулав.

Уулзалтад нийт 50 гаруй аж ахуйн нэгжийн төлөөлөл оролцож, удахгүй болох олон улсын хөрөнгө оруулалтын арга хэмжээний зорилго, ач холбогдол, хамрах хүрээ болон оролцогч талуудын хамтын ажиллагааны боломжийн талаар мэдээлэл бэлтгэн хүргэхээр төлөвлөж буй тухай танилцуулав.

Элчин сайд Б.Баярсайхан нээлтийн үеэр хэлсэн үгэндээ “Торгоны зам” олон улсын хөрөнгө оруулалтын арга хэмжээ нь Монгол Улсын хөрөнгө оруулалтын орчныг сурталчлах, гадаад, дотоодын аж ахуйн нэгжүүдийн хамтын ажиллагааг өргөжүүлэх, эдийн засгийн харилцааг идэвхжүүлэхэд чухал ач холбогдолтой болохыг тэмдэглэв.

Урьдчилсан танилцуулга уулзалтын хүрээнд оролцогч аж ахуйн нэгжүүд арга хэмжээний бэлтгэл ажил, оролцох боломж, салбар хоорондын хамтын ажиллагааны чиглэл болон хөрөнгө оруулалтын шинэ боломжийн талаар мэдээлэл авч, цаашид хамтран ажиллах сонирхлоо илэрхийлэв.