УР ЧАДВАРЫН ДАДЛАГАЖИГЧ, ТҮҮНИЙ АЖИЛ ҮҮРЭГ

2025-09-29

УР ЧАДВАРЫН ДАДЛАГАЖИГЧ, ТҮҮНИЙ АЖИЛ ҮҮРЭГ

①  Ур чадварын дадлагажигч ажилтан болох хүсэлт гаргах

  • Өргөдөл хүсэлт гаргах, сонгон шалгаруулалтад оролцох, шалгалт өгөх
  • Илгээгч байгууллагад өргөдөл гаргаж, бичгийн шалгалт, ярилцлагад орох

② Сургалт ба япон хэл сурах

  • Япон хэл ба амьдрах арга барилын урьдчилсан сургалт (3~6 сар)
  • Япон хэл (N5~N4 түвшин)
  • Японы түүх соёл, амьдрахад баримтлах дүрэм журам, хог хаях тухай дүрэм, аюулгүй байдлын тухай дүрэм гэх мэт.
  • Дадлагын тогтолцоо, хөтөлбөрийн үед мөрдөх дүрэм журамд суралцах

③ Явахад бэлтгэх

  • Паспорт авах, виз авах, эрүүл мэндийн үзлэгт орох
  • Явахад шаардлагатай бичиг баримтыг илгээгч байгууллагатай хамтран бэлдэх

 ④ Японд хүрэлцэн ирсний дараах сургалт (ойролцоогоор 1 сар)

  • Дадлагжигчийн мөрдөх ёстой болон тэдний эрх ашгийг хамгаалах Япон Улсын хуулийн заалтууд, баримтлах ёстой дүрэм журам, зарчмыг судлах
  • Япон хэл, замын хөдөлгөөний дүрэм, хөдөлмөрийн хууль гэх мэт хичээлд суух.
  • Асуудал тулгарвал зөвлөлгөө авах тогтолцооны тухай мэдээлэл авах (жишээлбэл OTIT байгууллагад хэрхэн хандах тухай)

⑤ Дадлага хийж эхлэх (компанид томилогдсон)

  • Дадлагын ажлыг эхлүүлэх (OJT буюу ажиллангаа суралцах)
  • Хүлээн авагч компанидаа ажиллаж эхлэх (гагнуур, газар тариалан, оёдлын ажил гэх мэт заасан ажил мэргэжлээр)
  • Дадлагын удирдагч, багш сургагчийн удирдлага дор ур чадварт суралцах

⑥ Ур чадварын үнэлгээний шалгалт (No 1→ No 2, No 2, No 2→ No3)

  • Ур чадварын үнэлгээний шалгалт өгөх (анхны удаа, байнгын, практикийн г.м)
  • Ур чадварын түвшингээ шалгуулж, улсын шалгалт өгөх
  • Шалгалтад тэнцвэл дараагийн шат руу шилжинэ

⑦ Өдөр тутмын амьдралд дасан зохицох, асуудлыг шийдвэрлэх

  • Япон дахь амьдралд дасан зохицох, бусадтай харилцах: /Хог хаях, дэлгүүрээс бараа үйлчилгээ авах, банкинд данс нээлгэх, Засаг захиргаанд бүртгүүлэх г.м/
  • Асуудал гарвал юуны өмнө хүлээн авагч байгууллагаас гаргаж өгсөн сургагч багш, бусад удирдлагатай зөвлөлдөх.

 

Гарч болох асуудал:

 

Асуудлын төрөл

Зөрчлийн төрлүүд

Хөдөлмөрийн асуудал:

Илүү цагаар цалин хөлс өгдөггүй, амралт авдаггүй.

Дарамт:

Дарга нарын зүгээс хэл амаар доромжлох, бие махбодын шийтгэл оногдуулах, бэлгийн дарамт үзүүлэх г.м

Өдөр тутмын асуудал:

Дотуур байрны орчин муу, хоол хүнсний хомсдол гэх мэт.

Эрүүл мэнд, аюулгүй байдлын асуудал:

Өвчтэй, хөдөлмөрийн осол болж гэмтэж бэртсэн ч эмнэлэгт очиж чадахгүй байх

Нутаг руу хүчээр буцаах гэж айлгах:

Дадлагжигч сургалтаа үргэлжлүүлэхийг хүсэж байгаа ч хүлээн авагч байгууллага "гэртээ харь" гэж шаардах

Гэмт хэргийн хохирогч болох:

Цагдаагийн газарт хандах, Өмгөөлөгчид хандах
  • Хэлний төвшин хүрэхгүй буюу хүлээн авагч байгууллага асуудлыг шийдвэрлэх талаар арга хэмжээ авах шинжгүй байвал хяналтын байгууллага, түүний монгол ажилтантай зөвлөлдөж, зохих арга хэмжээ авахыг хүсэх
  • Тэгээд асуудал шийдэгдэхгүй бол суугаа бүс нутгийг хариуцсан “Хөдөлмөрийн газар”-т хандан гомдол гаргах,

https://jsite.mhlw.go.jp/tokyo-roudoukyoku/kantoku/list.html

  • ОТИТ байгууллагад хандан гомдол гаргах, /монгол хэлээр зөвлөгөө авах, нэргүй гомдол гаргах боломжтой/
  • Тэгээд ч асуудал шийдэгдэхгүй бол ЭСЯ-нд хандах

Дадлагажигчид өгөх зөвлөлгөө

  1. Дүрмийг дага: Японд цаг барих, мэндлэх, хүндлэх ёсыг барих
  2. Ойлгохгүй бол зөвлөлд: Ганцаараа асуудлыг шийдвэрлэх гэж бүү оролд. OTIT, ЭСЯ зэргээс шат дараалсан зөвлөлгөөг авах.
  3. Эрүүл мэндээ анхаар: Бие, сэтгэлээр өвдвөл эмнэлгийн байгууллагад ханд.   
  4. Дадлагажигчдад зориулсан гарын авлагуудыг сайн ашигла.

⑧ Дадлага дуусах, эх орондоо буцах

  •  Дадлагын эцсийн өдрийг хүртэл хичээл чармайлт гарган ажиллах, дадлага  амжилттай дууссан тухай гэрчилгээ авах,
  • Гэртээ харих бэлтгэл хийх / Нисэх онгоцны тасалбар авах, орон байраа хүлээлгэж өгөх, гар утасны зэрэг гэрээг цуцлах, ачаа тээшээ боох, ажлынхантайгаа салах ёс гүйцэтгэх /

⑨ Дадлагын дараах боломжийн тухайд

  • Японд олж авсан ур чадвараа ашиглан эх орондоо ажил, бизнес эрхлэх боломжтой.
  • Ажлын виз авах, тусгай ур чадварын ажилтан болох зэргээр Японд удалгүй эргэж ирэх, аль эсвэл эндээсээ бүрдүүлэлт хийж визийн ангилал солиулж, үргэлжлэн ажиллах боломжтой.