Гадаад паспорт

2023-03-24

ЭСЯ-нд захиалах:

БҮРДҮҮЛЭХ МАТЕРИАЛ

  1. Иргэний цахим үнэмлэхний хуулбар /хугацаа дуусаагүй байх, хугацаа дууссан тохиолдолд ЭСЯ эсвэл Осака дахь ЕКГ-т ирж Иргэний шинэчилсэн бүртгэлд хамрагдана/

  2. Гадаад паспорт авах мэдүүлгийн хуудас бөглөх 2 хувь  /хавсралтаас татах/

  3. Цээж зураг хэмжээ 3,5х4,5 см /чанар 413px X 531px/   Цээж зургийг https://photo.burtgel.gov.mn руу оруулах, системд оруулсны дараа материал ирүүлэх. Шаардлага хангаагүй зураг оруулснаас болж буцаагдах, хугацаа хойшлох асуудал гарч байгаа тул доорх зааврын дагуу материал өгөх өдрийн өмнө оруулсан байх.  

  4. Төлбөр 7500 иен дансанд шилжүүлсэн баримт эх хувь /Итгэмжлэлээр захиалж буй бол паспортын төлбөрийг Монголд НЭГ ЦЭГТ төлөх, ЭСЯ-нд төлөхгүй/

    Цээж зураг шаардлага:

    • Нүүрний хэсэг цээж зургийн 90 хувийг эзэлнэ. 

    • Нүдний шилгүй, малгай өмсөөгүй, чих, дух, хөмсөг бүрэн гарсан байх.

    • Цээж зургийн арын дэвсгэр цагаан өнгөтэй байх. Зургийн ард хаалга, цонх, тавилга гэх мэт зургийн чанар стандартад нөлөөлөх зүйлсийг оруулахгүй байх.

    • Сүүлийн 1 сарын дотор авахуулсан зураг байх. /Selfie хийсэн зураг болохгүй/

    • Зургийн хэмжээ 3,5х4,5 см, /413px X 531px чанарыг https://picresize.com/# -руу орж crop selection хийж хэмжээ тааруулсны дараа -> Resize Your Picture: бичгийн доорх cонголтоос custom size гэж сонгоод width->  413px height-> 531px хэмжээг зааж өгч, I'm done resize my picture дарж save to disk дарж засах боломжтой/ 

    • Дүр төрхийн өөрчлөлт орсон бол холбогдох баримт бичгийг материалдаа хавсаргах. 

    • Селфий Selfie хийж болохгүй, тусгал буруу гардаг

     

    ШИНЭЭР ТӨРСӨН БОЛОН АНХ УДАА ПАСПОРТ ЗАХИАЛЖ БУЙ ХҮҮХДЭД НЭМЭЛТ МАТЕРИАЛ

1. Төрсний гэрчилгээний хуулбар
2. Эцэг, эхийн иргэний цахим үнэмлэхний хуулбар /Хэрэв эцэг, эх нь гадаадын иргэн бол гадаад паспорт эсвэл жолооны үнэмлэхний хуулбар/

3. Шинэ төрсөн хүүхдийн төрсний бүртгэл Улсын бүртгэлийн санд /30 хоногийн дараа/ орох тул бүртгэл нь баталгаажиж орсны дараа дээрх зааврын дагуу https://photo.burtgel.gov.mn/ руу цээж зургийг оруулсан байх. 
 

Шуудангийн үйлчилгээ

Гадаад паспортаа шуудангаар Япон дахь гэрийн хаяг руугаа хүлээн авах бол дээрх материалыг марк, хаяг, нэр, холбогдох утсыг бичсэн баталгаат шуудангийн /書留/ дугтуйн хамт ирүүлэх. Гадаад паспорт хэвлэгдэж ЭСЯ-нд ирэх хугацаа 2-4 сар учир паспортын хугацаагаа дуусахаас өмнө хугацаагаа төлөвлөж захиалах, цээж зургийг стандартын дагуу дээрх сайт руу оруулаагүй тохиолдолд паспорт хугацаандаа хэвлэгдэхгүй хойшлогдохыг анхаарна уу.  

ИТГЭМЖЛЭЛ-ээр буюу хувиараа захиалах тохиолдолд

Итгэмжлэл бичиж Монгол дахь Улсын бүргэлтийн "НЭГ" цэгт хувиараа захиалах боломжтой, хэвлэгдэх хугацаа Улаанбаатар хотод ажлын 5-10 өдөр бөгөөд паспортын төлбөрийг Монголд "НЭГ" цэгт төлөх, ЭСЯ-нд зөвхөн итгэмжлэлийн төлбөр 1500 иен төлнө.

Жич: 18 нас хүрээгүй хүүхдийн өмнөөс эцэг, эх нь төлөөлж итгэмжлэл бичихдээ хүүхдийн овог, нэр, регистрийг итгэмжлэлээр олгож буй "АГУУЛГА" хэсэгт заавал бичиж оруулах. Хүүхдийн мэдээллийг "Төлөөлүүлэгч" хэсэгт бичихгүй. 

Итгэмжлэлийг цахимаар үйлдэхийн тулд

https://consul.notary.mn/login рүү бүртгүүлж, нэвтрэх, гар утаснаас итгэмжлэл үйлдэх боломжтой. Итгэмжлэл бичих дэлгэрэнгүй заавартай https://tokyo.embassy.mn/page/493 -руу орж танилцах 

Жич: Итгэмжлэлийн үйлчилгээ авахдаа гарын үсэг зурсан итгэмжлэл, иргэний үнэмлэхний хуулбар, хүүхдийн төрсний гэрчилгээний хуулбар мөн "ТӨЛБӨР ТӨЛСӨН БАРИМТ"-ны эх хувь, шуудангаар үйлчилгээ авч буй бол дугтуйндаа материалаа бүрэн гүйцэт хэвлэж хамт ирүүлнэ үү. 

 

ЭСЯ-ны дансны дугаар /Англи хэлээр/:
Account number of Embassy of Mongolia
Bank name: Mitsubishi UFJ /MUFG/
Branch name: Shibuya-Meijidori branch
Branch number: 470
Account number: 0458589 /Touza/
Account holder: Embassy of Mongolia

 

ЭСЯ-ны дансны дугаар/Япон хэлээр/:
駐日モンゴル国大使館の口座番号
銀行: 三菱UFJ銀行
支店名: 渋谷明治通り
支店番号: 470
口座番号: 0458589　/当座/
口座名義: Embassy of Mongolia

 

Embassy of Mongolia /хаяг/:
21-4, Kamiyama-cho, Shibuya-ku, Tokyo 150-0047
Tel: 03-3469-2088
Fax: 03-3469-2216
E-mail: [email protected] 
Web: http://tokyo.embassy.mn

Хавсралт