Итгэмжлэл, нотариат

---

2022 оны 12 дугаар сарын 1-ний өдрөөс эхлэн хилийн чанадад оршин суугаа Монгол Улсын иргэдэд зориулан “Цахим итгэмжлэл”-ийн үйлчилгээг нэвтрүүлж, иргэд https://consul.notary.mn/login хаягаар өөртөө хэрэглэгчийн бүртгэл/аккаунт үүсгэн итгэмжлэл авах боломжтой болсон.

 

Хэрэв та цахим итгэмжлэл хийлгэхээр бол энэхүү ЗААВАР /PDF file/ танилцаж, бүртгэл үүсгэн, итгэмжлэл хийлгэх хүсэлтээ ирүүлнэ үү.

Цахим итгэмжлэлийн аккаунт үүсгэх, итгэмжлэл хийхэд АНХААРАХ ЗҮЙЛС, ЗӨВЛӨМЖ:

• Цахим нотариатын системд суурин/зөөврийн компьютер эсвэл таблетаас нэвтрэх нь илүү зохимжтой тул гар утаснаас бүртгэл хийх, итгэмжлэл үйлдэхээс аль болох татгалзах,
• Хэрэглэгчийн аккаунт үүсгэхэд өөрийн ОВОГ НЭР, РЕГИСТРИЙН ДУГААР, холбогдох имэйл хаягийг зөв бичиж оруулах (Иргэн хэн нэгэн хоёрдогч этгээдийн өмнөөс аккаунт үүсгэж болохгүй),
• Насанд хүрээгүй хүүхэд хилээр авч гарах, виз мэдүүлэх, данс нээх, хүүхдийн мөнгө авах зэрэг хүүхэдтэй холбоотой итгэмжлэлд ХҮҮХДИЙН ОВОГ, НЭР, РЕГИСТРИЙН ДУГААРЫГ агуулга хэсэгт зайлшгүй тусгах,
• Хэрэглэгчийн аккаунт үүсгэн, нэг удаагийн нууц үгээ имэйл хаягаар хүлээн авсны дараа нууц үгээ солих,
• Хэрэглэгчийн нууц үг имэйл хаягт ирэхгүй байх зэрэг цахим нотариатын системтэй холбоотой техникийн доголдлын талаар [email protected] цахим хаягт мэдэгдэх ба энэ тохиолдолд өөрийн овог нэр, РД, утасны дугаар зэргийг бүрэн тусгахыг анхаарна уу.  

 

Мөн иргэн та дараах төрлийн итгэмжлэл хийх бол ЗААВАЛ ӨӨРИЙН БИЕЭР Токио болон Осака дахь Консулын үйлчилгээ үзүүлэх хэсэгт ирж баталгаажуулахыг анхаарна уу. Үүнд: 

ХАДГАЛАМЖ ЗАХИРАН ЗАРЦУУЛАХ БОЛОН ДАНСНААС ОРЛОГО, ЗАРЛАГЫН ГҮЙЛГЭЭ ХИЙХ

ОРОН СУУЦ, ХАШАА БАЙШИН, ГАЗАР ЗЭРЭГ ҮЛ ХӨДЛӨХ ХӨРӨНГӨ ХУДАЛДАН БОРЛУУЛАХ, НЭР ШИЛЖҮҮЛЭХ

ШҮҮХ, ЦАГДААТАЙ ХОЛБООТОЙ АСУУДАЛ

ГАРЫН ҮСГИЙН БАТАЛГАА

ӨВ ХҮЛЭЭН АВАХ БОЛОН ТАТГАЛЗАХ ХҮСЭЛТ ГАРГАХ

ДЭЭРХЭЭС БУСАД ТОХИОЛДОЛД иргэн та шуундангаар үйлчилгээ авч болох бөгөөд шуудангийн дугтуйнд өөрийн биеийн байцаалтын хуулбар /хүүхэдтэй холбоотой итгэмжлэл үйлдсэн тохиолдолд хүүхдийн ТӨРСНИЙ ГЭРЧИЛГЭЭНИЙ ХУУЛБАР, ГАДААД ПАСПОРТЫН ХУУЛБАР/, холбогдох бусад баримтуудын хуулбар, гарын үсэг зурсан итгэмжлэл, төлбөр төлсөн баримт зэргийг хавсаргах шаардлагатайг анхаарна уу.

 

• Итгэмжлэлийн төлбөр 1550 иен ЭСЯ-ны дансанд шилжүүлсэн баримт эх хувь

ҮЙЛЧИЛГЭЭНИЙ ХУРААМЖИЙН ТАЛААРХ МЭДЭЭЛЛИЙГ ДАРААХ SERVICE FEE ХОЛБООСООР ОРЖ ХАРНА УУ. 

 

Анхаарах зүйлс:

- 18 нас хүрээгүй хүүхэдтэй холбоотой итгэмжлэл бичихдээ хүүхдийн овог, нэр, регистрийг итгэмжлэлийн "AГУУЛГА" хэсэгт заавал хамт бичих. Хүүхдийн мэдээллийг "Төлөөлүүлэгч" хэсэгт бичихгүй.

- Таныг төлөөлж ямар үйлдэл хийх эрх олгож байгаагаа тодорхой тусгах, Жишээ нь: "гадаад паспорт захиалах, хүлээн авах" гэх мэт.

- Итгэмжлэлийн хүчинтэй хугацаа 1 сараас 3 жил хүртэл байна. Жишээ нь: 1 /нэг/ жил /багадаа 1 сарын хугацаа сонгох/

- Итгэмжлэлийн 5-6 үйлдлийг бөглөж дуусаад "ХАДГАЛАХ" болон ТИЙМ гэдэг үйлдлийг дараад, ЭСЯ-руу хянуулахаар илгээнэ.

Түүний дараа

Нотариатын хаягруугаа дахин нэвтэрч "МИНИЙ ҮЙЛЧИЛГЭЭ" цэс рүү орох

1. ЭСЯ-наас "Зөвшөөрсөн" эсвэл "Буцаагдсан" тайлбартай мэдэгдэл МИНИЙ ҮЙЛЧИЛГЭЭ цэсэнд очно.

2. Итгэмжлэл зөвшөөрсөн, баталгаажсан төлөвт шилжсэн бол Та "МИНИЙ ҮЙЛЧИЛГЭЭ" цэс дэх "ХАРАХ" төлөв дээр дарж "QR код"-той итгэмжлэлээ хэвлэнэ. Утаснаас хэвлэх боломжгүй тул файлаа татаж авах эсвэл компютерээс орж хэвлэх

- Итгэмжлэл буцаагдсан бол буцаагдсан тайлбарыг уншиад "ЗАСАХ" төлөвийг дарж засвараа хийж, дахин "ХЯНУУЛАХ" дарж илгээнэ.

3. "QR код"-той итгэмжлэлийг "ХЭВЛЭЖ" гарын үсгээ хоёр удаа зурах, өөрийн иргэний үнэмлэх /эсвэл гадаад паспорт/-ийн хуулбар, төлбөрын баримтын эх хувь хамт авч ирнэ.

4. Итгэмжлэлд гарын үсэг зурсан ЭХ ХУВЬ-ийг ЭСЯ хүлээн авсан ажлын 1 өдрийн дотор баталгаажуулж, нотариатын системд архивладаг. Архивласан төлөвт шилжсэний дараа иргэд итгэмжлэлээ Монголд нотариатаас авах боломжтой.

5. Итгэмжлэл үйлдсэн иргэн итгэмжлэлийн “QR код”-ыг Монгол дахь хүлээн авагчдаа илгээж Монголд нотариатаас хүлээн авна.

- ГАДААДЫН ИРГЭД өөрийн боловсруулсан итгэмжлэлээ Токио дахь ЭСЯ эсвэл Осака дахь ЕКГ-т ирж баталгаажуулна.

Гадаадын иргэд итгэмжлэлээ өөрийн эх хэл дээр болон монгол хэл дээрх орчуулгын хамт урьдчилан бэлтгэж, хэвлэж тус ЭСЯ эсвэл Осака дахь ЕКГ-т өөрийн биеэр авч ирнэ.

 

Токио дахь ЭСЯ иргэд хүлээн авах цаг: Ажлын өдрүүдэд 09:00-12:00, 14:00-17:00 цаг /цаг захиалахгүй/.

 

ЭСЯ-ны дансны дугаар /Англи хэлээр/:

Account number of Embassy of Mongolia

Bank name: Mitsubishi UFJ /MUFG/

Branch name: Shibuya-Meijidori branch

Branch number: 470

Account number: 0458589 /Touza/

Account holder: Embassy of Mongolia

ЭСЯ-ны дансны дугаар/Япон хэлээр/:

駐日モンゴル国大使館の口座番号

銀行: 三菱UFJ銀行

支店名: 渋谷明治通り

支店番号: 470

口座番号: 0458589　/当座/

口座名義: Embassy of Mongolia